Amerikanın Google şirkəti videozənglər həyata keçirilməsi üçün nəzərdə tutulan "Duo" tətbiqinin buraxılması barədə elan edib.
Bu barədə şirkətin rəsmi saytında yazılıb.
Məlumatda bildirilir ki, bu proqramın üstünlüyü ilk növbədə sadə anlaşılan interfeysindədir. Sistemində qeydiyyatdan keçmək üçün yalnız mobil telefon nömrəsini yazmaq kifayətdir.
Həmçinin proqramın yaradıcıları bildirirlər ki, hətta zəif siqnal zamanı belə zəngdən asanlıqla istifadə etmək mümkün olacaq. "Duo" videozəngi kəsmədən internetin sürətini nəzərə alır və avtomatik olaraq görüntünün keyfiyyətini ona uyğunlaşdırır.
Bundan əlavə videoçat zamanı bağlantını kəsmədən wi-fi-dan mobil internetinə keçmək mümkündür.
Qeyd edək ki, Android və İOS üçün nəzərdə tutulan "Duo" tətbiqini bir neçə gündən sonra smartfonlara yükləmək mümkün olacaq.
dle
Ana Səhifə
Hava
Facebook
Twitter
Google+
RSS