“Qarabağ” Avroliqada oyunlarını bu stadionda keçirəcək

“Qarabağ”ın Avropa Liqasının qrup mərhələsində ev oyunlarını keçirəcəyi məkan müəyyənləşib.

Bu haqda Qol.az saytına Ağdam klubunu direktoru Emrah Çelikel məlumat verib. O, rəqiblərini Tofiq Bəhramov adına Respublika Stadionunda qəbul ecəcəklərini bildirib.

Qeyd edək ki, G qrupunda yer alan Qurban Qurbanovun komandası "Olimpiakos" (Yunanıstan), "Frayburq" (Almaniya) və "Nant"la (Fransa) mübarizə aparacaq.

Əlavə edək ki, Ağdam təmsilçinin qrup oyunlarını Bakı Olimpiya Stadionunda keçirməsi məsələsi də gündəmdə idi.