Dövlət Neft Şirkəti ucbatından özünü yandıran vətəndaş həyatını itirdi

Bu barədə qəzetimizə onun həyat yoldaşı Aytən Şahmərdanova bildirib.
Sabunçu rayonu, Sabunçu qəsəbəsi Əmir Bağırov küçəsi 14 ünvanında yaşayan ailənin hadisə nəticəsində iki nəfər üzvü yanıq xəsarəti alıb. Belə ki özünü yandıran Musayıl Şahmərdanovu xilas edərkən A.Şahmərdava da yanıb. Ağır yanıq xəsarəti alan M.Şahmərdanovun həyatını xilas etmək mümkün olmayıb.

A.Şahmərdanovanın sözlərinə görə, SOCAR əməkdaşları yaşadıqları evi sökməyə cəhd etdikləri üçün bu hadisə baş verib. Mülkiyyətinin sökülməsinə etiraz edən M.Şahmərdanov SOCAR əməkdaşlarının gözü qarşısında üzərinə benzin tökərək özünü yandırıb.

Qeyd edək ki hadisə ilə bağlı SOCAR-a göndərilən sorğuya cavab almaq mümkün olmayıb.