Husilər Putinə müraciət etdi

Husilərin Ali Siaysi Şurasının sədri  Mehdi əl-Maşat Yəmən münaqişələrinin həlli üçün Rusiyadan yardım istəyib. FaktXeber.com-un məlumatına görə, bu barədə hərəkatın rəsmi informasiya agentliyi olan SABA xəbər yayıb.

Putinə ünvanlanan məktubda  Əl-Maşat Yəmənə qarşı təcavüzə və Səudiyyə Ərəbistanının rəhbərliyi ilə koalisiya ölkələri tərəfindən hərbi eskalasiyaya diqqət çəkir.

Husilərin Ali Şurasının rəhbərinin sözlərinə görə, münaqişənin inkişafında ABŞ maraqlıdır, Qərb ölkələrinin əsas hədəfi isə  Yəməndə və bütün regionda xaosun yayılmasıdır.

Bundan əvvəl Maşat analoji məktubu Fransa prezidenti Emmanuel Makrona ünvanlamışdı.

Son günlər, Yəməndə, Qırmızı dənizin sahilində strateji əhəmiyyətli  Zodeyda limanı ətrafında vəziyyət gərginləşib. İyukn ayında Səudiyyə başda olmaqla ərəb koalisiyası husilərin şəhərdən çıxarılması üçün «Qızıl zəfər» əməliyyatına başlayıb. Hərbi əməliyyatlar  BMT-nin  xəbərdarlığına baxmayaraq əyata keçirilib. Mehdi əl-Maşat bunu Yəmənə qarşı təcavüz adlandırıb.