“Əl-Şəbab” Somalidə hərbi bazaya hücum etdi: 27 ölü

Somalidə "Əl-Şəbab"ın hərbi bazaya hücumu nəticəsində 27 hərbçi həyatını itirib.  Bu barədə terror təşkilatının özü məlumat yayıb.

Xəbərdə deyilir ki, hərbi bazaya əvvəl intihar hücumu edilib, sonra isə silahlar atəş açılıb: "27 hərbçini öldürdük, hərbi bazanı ələ keçirdik. Bəzi əsgərlər meşəyə qaçdılar"

Qanlı hadisə ölkənin cənubundakı Kismayu liman şəhərinə 50 km məsafədə baş verib.

Baş verənlər bağlı hələ ki, rəsmi açıqlama verilməyib.

Qeyd edək ki, terror təşkilatı bu bazaya iyul ayında da hücum həyata keçirmişdi. Həmin vaxt 7 əsgər yaralanmışdı.